Progets

Digitalisaziun in Engiadina

Digitalisaziun in Engiadina

La digitalisaziun ho lö, uschè u uschè, eir in Engiadin'Ota, eir in Bergiaglia. La dumanda nun es, scha’s voul la digitalisaziun, mabain cu cha’s reagescha sün ella. A do duos pussibiliteds: a’s ütilisescha activmaing la digitalisaziun e profitescha dad ella, u a’s resta passiv e’ls oters profiteschan, ouravaunt tuot Digital Global Players scu Facebook e Google u Booking ed Airbnb.
La Regiun Malögia voul esser tar quels chi profitan da la digitalisaziun ed instradescha quist svilup proactiv. Il böt es quel d’ütiliser tecnologias digitelas e models digitels da maniera ch’els haun ün effet da catalisatur. Quists dessan augmanter la creaziun da valur per cha la regiun profitescha e vain sviluppeda scu united.
Cun la Cloud Connection GmbH dispuona la regiun d’ün specialist local cun activited globela. L’intrapraisa cun sedia a San Murezzan accumpagna progets naziunels ed internaziunels, traunter oter i’ls sectuors analisa da datas, E-Commerce e tecnologia digitela. Cloud Connection cussaglia la Regiun Malögia in dumandas digitelas ed implementescha ün Digital Growth Model chi’d es adatto specielmaing als bsögns da l’Engiadin’Ota e da la Bergiaglia.

 

Che es digitalisaziun?

Oriundamaing d’eira il maniamaint da la noziun «digitalisaziun» la modificaziun d’infurmaziuns analogas in datas digitelas. Hoz vegnan prodüttas directamaing adüna dapü datas digitelas. L’avantag da datas digitelas es quel ch’ellas spargnan plazza e paun gnir elavuredas in maniera flexibla e svelta. Da que sun naschieus d’üna vart nouvs instrumaints e nouvas plattafuormas da comunicaziun scu il smartphone u booking.com e da l’otra vart nouvas tecnologias e tendenzas scu Big Data, Cloud Computing, Augmented Reality eui. La consequenza es ün’acceleraziun rasanta da process. A do üna transfurmaziun – u revoluziun - digitela chi penetrescha tuot ils sectuors da la societed: economia, perscrutaziun, politica, temp liber. Quist process da modificaziun vain numno generelmaing digitalisaziun.

 

Digitalisaziun i’l turissem

Tar la digitalisaziun nu’s tratta que (be) da l’adöver da nouvas applicaziuns tecnologicas e nouvs tools per ragiundscher ün meglder marketing u per fer plaschair als giasts. Per cha’l turissem possa profiter persistentamaing da la digitalisaziun, voul que ouravaunt tuot duos imsüras: üna megldra colliaziun (digitela) dals partenaris e cliaints e process da decisiun basos sün datas.

Contact

Cloud Connection GmbH

Via Serlas 23
7500 St. Moritz

+41 81 833 91 59

Links