Actuel

Actuel

Publicaziun "Gruppa accumpagnanta strategia da svilup regiunela"

La Regiun Malögia tschercha persunaliteds ingaschedas per l’activited in uffizi d’onur illa nouva

Gruppa accumpagnanta strategia da svilup regiunela (SSr)

La gruppa accumpagnanta es üna gruppa da lavur politicamaing independenta. Ella cussaglia e sustegna la conferenza dals presidents in sieu sforz da ragiundscher e specificher ils böts da la SSr scu eir da cumpletter il portfolio dal proget e prioriser las propostas da progets cuntgnidas in quel.

Profil d’exigenzas d’ün commember da la gruppa accumpagnanta SSr

  • Identificaziun cun la Regiun Malögia e la volunted da la svilupper inavaunt cun progets da creaziun da valur e perdüraivlezza a lungia vista.
  • Cugnuschentschas professiunelas specificas in ün dals trais sectuors tematics da la SSr (turissem, abiter & lavurer, svilup perdüraivel)
  • Bunas colliaziuns sül sectur speciel
  • Volunted da collavurer in ina squedra
  • Cugnuschentschas in tuottas trais linguas da la regiun (taliaun/rumauntsch/tudas-ch) sun d‘avantag
  • Nu suos-cha ster in üngüna relaziun d’ingaschamaint cun la Regiun Malögia u cun üna vschinauncha da la regiun u occuper üna funcziun directiva in ün purteder dischloco da la regiun.

Profil d’exigenzas dal presidi da la gruppa accumpagnanta SSr
Supplementermaing al profil d’exigenzas dal commember da la gruppa accumpagnanta SSr:

  • Persunalited simpatica e carismatica
  • Abilited da furmer üna squedra our da la gruppa accumpagnanta
  • Cugnuschentschas e bunas colliaziuns i’ls sectuors definieus illa SSr
  • Survista da las cundiziuns da basa giuridicas fundamentelas

 

Infurmaziuns do gugent Jenny Kollmar, mnedra dal secretariat, telefon 081 852 30 33.

Ch‘Ellas/Els tramettan per plaschair Lur curriculum vitae e  la charta da motivaziun cun indicaziun dal sectur speciel ed ün eventuel ulteriur interess vi dal presidi fin ils 9 avrigl 2021 a la Regiun Malögia, Secretariat, Quadratscha 1, Chaschella postela 119, 7503 Samedan u per e-mail a jenny.kollmar@regio-maloja.ch.

Turnar