Büdschet 2021: referendum facultativ
La Conferenza dals presidents da la Regiun Malögia ho appruvo als 10 gün 2021, in connex cull‘introducziun da la ramasseda da materiels artificiels da chasedas, l’import da CHF 180‘000.- per l’acquist da containers cun pressa autonoma e la campagna d’infurmaziun. Ils cuosts nu figüreschan i’l büdschet 2021, gestiun dal rument (KST).
Decisiuns da la Conferenza dals presidents davart expensas unicas na büdschettedas chi surpassan l’import da CHF 50‘000.- suottastaun, tenor l’art. 26 dals Statüts da la Regiun, al referendum facultativ. Il termin da referendum düra 90 dis, a partir dal di da la publicaziun da la decisiun.
Il referendum vela scu accumplieu, scha 400 abitantas ed abitants cun dret da vuscher da las vschinaunchas da la Regiun haun suottascrit. Il referendum po eir gnir piglio dad almain trais suprastanzas cumünelas.