Incumbenzas

Uffizi da scussiun e fallimaint

L’uffizi da scussiun e fallimaint da la regiun Malögia es cumpetent per tuot las proceduras da scussiun e fallimaint illas vschinaunchas da l’Engiadin’Ota ed illa vschinauncha da Bergiaglia.

Incumbenzas da l’uffizi da scussiun

Las incumbenzas cumpiglian essenzielmaing la realisaziun da scussiuns sün sequestraziun u fallimaint, scussiuns sün pegn movibel e scussiuns dal pegn immobigliar, scussiuns sün prestaziun da garanzia e scussiun da cambielas. Tar las incumbenzas da listess’importanza tuochan l’execuziun da sequestraziuns, retenziuns ed arrests scu eir l’administraziun e l’ütilisaziun d’immobiglias. Ultra da que es l’uffizi da scussiun cumpetent da fer extrats dal register da scussiuns e da mner il register da la resalva da proprieted.

Incumbenzas da l’uffizi da fallimaint

Tar las incumbenzas da l’uffizi da fallimaint tuocha la constataziun da la massa da fallimaint e la determinaziun da la procedura da fallimaint, il clam da quints tres publicaziun, la constataziun da las pretaisas da fallimaint, la collocaziun dals credituors, l’administraziun e l’ütilisaziun da societeds, immobiglias ed ulteriuras valuors da faculted scu eir la distribuziun dal richev als credituors.


Direcziun

Andrea Fanconi
Uffiziant da scussiun e fallimaint, mneder da l’uffizi

Philipp Meyer
Uffiziant da scussiun e fallimaint rimplacant, vicemneder da l‘uffizi

Survagliaunza professiunela

Dretgira chantunala dal Grischun
Poststrasse 14
7002 Chur

Contact

Uffizi da scussiun e fallimaint

da la regiun Malögia
Chesa Ruppanner
Chaschella postela 330
7503 Samedan

+41 81 852 52 66

Uras d'avertüra

Lündeschdi fin gövgia, 8 fin 12, 14 fin 17
Venderdi, 8 fin 12, 14 fin 16

Termins zieva preavis

Links, informaziuns